ادخل اكتب رائيك ..موضوع مهم جــــــــــدا.... للنقاش

بعد سلام عليكم و ازيكم عاملين ايه و كل سنه و انتوا طيبين

كنت قاعد عند عم السيد فى القهوة بتاعته لقيت دماغى فيها حاجه شدانى قولت اطلب واحد سحلب و امخمخ ناديت لعم سيد وقولتله سحلب و النبى ياعم سيد قالى سحلب متلاقيش ...قلتله طيب ينسون قالى معنديش ...قلتله طيب هاتلى كركديه قالى عندى مفيش .... قلت امال انت فاتح القهوة ليه بقى يا عم الحاج "طبعا فى سرى " ..المهم جابلى شاى و بدأت افكر لقيت الموضوع ده اللى انا هكلمكوا فيه شاغلنى اوى......... ننزل بالموضوع بقى رغينا كتير
الموضوع بقى انى لقيت اننا بنعمل حاجات غلط كتير اوى فى حياتنا على الرغم من اننا عارفين انها غلط
دماغك بدأت تفكر فى الموضوع ولا اوضح اكتر ........ شكلك عاوزنى اوضح اوك يا معلم

بص يا سيدى وما سيدك الا انا
دلوقتى احنا بنعمل حاجات غلط و عارفين انها غلط مع كده نعملها بردوا .....مثلا زى الموضه اللى بتنزل كل شويه نلاقى حاجه شكل
نلاقى الموضه فى اللبس مثلا شوية بنلاقى الصبيان لابسه بديهات لازقه عليهم كده و بنطلون ساقط نصه و مش عارف ايه و الوان اجارك الله .....مش راجل يلبسها ..المهم بقى تيجى تكلم الواحد من دول بتقوله انت عامل كده ليه يقولك موضه تقوله يعنى المنظر ده ايه رايك فيه يقولك و الله انا لما بشوف واحد عامل كده بيسقط من نظرى و هو بيعمل زيه و انا قولت كلامى على الولد لانى لو اتكلمت على البنت هرغى كتير اوى فى حاجه زى دى المهم اننا عارفين الغلط و بنعمله عشان نرضى مثلا شويه من الناس اللى حوالينا على الرغم انهم هما كمان غلط ..زى التدخين كده غلط و المجتمع رافضه و تلاقى اللى يقولك انت مش راجل ولا ايه ما تشرب سيجارة وخليك راجل و الواد الغبى بقى يقوله طيب هشرب بيشرب عشان يرضى اللى حواليه دول مثلا ......انا اتكلمت كتير اوى و بصراحه انا لو هقراه الكلام ده هملّ اوى بس خليك جدع و استحمل هديلك حاجه حلوة فى الاخر
************
المهم ان راس الموضوع بقى هى "" ازاى نعمل الشباب الصح من الغلط ""

كل واحد فينا هيشارك برأيه ويقول حاجه احنا بنعملها غلط ويقول الصح بتاعها ايه وياريت نهتم بالموضوع شويه لانه مهم اوى لينا و الله
***************

و انا ابدأ و اقول "" الوقـــــــــــــــــت"" احنا بنهمل كتير اوى الوقت فى حياتنا مع ان الوقت ده مهم اوى
دلوقتى احنا ممكن نقول يوم كذا هروح اعمل كذا ويجى اليوم و احنا ولا نعمل اى حاجه يبقى كده احنا ناس بووء و خلاص مش بتوع فعل .....لكن الصح بقى اننا نهتم اوى بوقتنا نهتم لو ادينا وعد لواحد نروح فى الميعاد ....نهتم بالوقت اللى احنا مثل مخصصينه للمذاكره ...بالوقت اللى مخصصينه لقراءة القرآن ........كده يعنى

الموضوع متابع من قبل بيــــــــــدو ........نرجوا الــــرد

[ندعوك للتسجيل في المنتدى أو التعريف بنفسك لمعاينة هذه الصورة]

فعلا يابيدو انا بلاحظ فعلا اننا بنبقى عارفين ان الحاجة دى غلط ومع ذلك بنعملها
او نتريق على حد وفى الاخر بنعمل زيه طب ليه نتريق عليه واحنا بنعمل زيه بالظبط

البنااااااات فيهم حاجة مدايقانى جدا جدا
الا وهى انهم بيغيروا من بعض مووت جدا جدا جدا جدا
ولما يلاقوا بنت لابسة احسن منهم يقولولها ايه القرف اللى انتى لابساه ده معان اللبس بيكون فى قمة الشياكة
بيكونوا خايفيين للبنت دى تخطف الولااااااااد منهم
هههههههههههههههههههه
معان الولد لو البنت ملية عينه مش هيبص لغيرها

اما الولاااااد بقى
فهم بيخرجوا وقت مايحبوا وييجوا وقت مايحبوا فده غلط لازم يكوووون فيه التزااام اكتر من كدة
يعني هو الولد مش هيبقي راااجل الا لما يخرج ويشرب سجاير
ههههههههههههههه
دووووول بيبقوا عيااال من نظرى انا

لا و فى كمان ايه اننا بنشوف الزباله فى كل مكان فى الشارع نقول ايه القرف ده و المنظر بيكون وحش اوى بصراحه
و نكون ماشيين بنرمى اللى فى ايدينا فى الطريق كده وبيبقى المنظر مش حلو بس بيتهيالى لو فى سلة جانبى ارمى فيها و اسيبها و ارمى عالطريق يبقى انا انسان مهمل اوى بس اللى يغيظ اننا بنكون متضايقين من الزباله و بنرمى بردوا

زى المثل ما بيقول
كل اللى يعجبك والبس الى يعجب الناس

معاكم حق يا اولاد
بجد في حاجات غلط كتير في حياتنا
عايزين نغيرها

ليه الناس بتكدب دايما
مع ان الصدق بينجي بردو
وبتكدب علي حد
يعني خايف منه
ومش خايف من ربنا

ياريت يا جماعة نحاول نغير الصفة دي بقي ومنبقاش كده

» موضوع للنقاش .. اتمنى ان تشرفوني
» ايهما اخطر؟؟موضوع للنقاش ارجو الدخووول
» حوار جادة للنقاش
» اذا كنت جرىء اكتب ثلاثة من عيوبك....؟؟
» اتفضل اكتب اسمك هتشوف تسريحة شعرك