Admin
admin
عدد المساهمات : 1198
تاريخ التسجيل : 20/05/2009
العمر : 33
الموقع : https://yallabena.ahlamontada.com
 | موضوع: حوار تلفزيونى مع حشاش مثقف ..؟؟  23/5/2009, 11:24 pm | |
| دة حوار تلفزيونى مع واحد حشاش
شوفو المزيع بيسئل بيقول اية والحشاش بيرد ازاى
اسمك ايه
*ابو العفاريت
-طيب ليه سموك ابو العفاريت
*لا انا اسمي حسن وبيدلعوني سكر
-عندك كام سنة
*يمكن 30 او 40 او اكتر او اقل
-انت مدمن حشيش
*لاء
-امال بتشربه كل يوم ليه
*بشربه من عشرين سنة لكن عمري ما ادمنته
-من عشرين سنة بتشرب حشيش وعمرك ما ادمنته دي نكته يا راجل
*اه نكته بس انا لي عملتها
-بتشرب بكام كل يوم
*دا رزق ايام بعشرين جنيه وايام باربعين واحيانا بميه واحيانا ببلاش واحيانا من غير بلاش
-بتشرب فين وازاي
*بشرب في اي حته لكن بعيدعن البيت عشان عيب محبش الجماعة يشو
فوني انا راجل وعندي اخلاق
-وانت تشرب حشيش مع اصحابك بتتكلمو في ايه
*بنتكلم في كل حاجة في الدنيا والاخرة والسياسة والعيش و الملوخية و البنات والبنات وكل حاجة
-سيبك من العيش والملوخية خلينا نتكلم في السياسة شوي
*نتكلم...ايه المشكلة
-ايه رايك فلي يحصل بفلسطين
*انا مش فاهم همة بيتخانقو ليه بيقولو عشان الكرسي طيب ما ييجو نديلهم عشرين كرسي
-وبعدين انا عايزة اسالك سؤال ايه الي يخلي الجماعة بتوع ميدان التحرير يعملو منظمة ويروحو يقعدو هناك...انا بقى هعمل منظمة بولاق وهروح ونشوف
منظمة ميدان التحرير ولا منظمة بولاق على النعمة همشي اليهود في اسبوع واحد........انت قلتلي ان صدام هيرجع يحكم العراق تاني لكن اهو مرجعش
وانعدم كمان ايه رايك
*مين الي قال ان صدام انعدم يا عم انتو بتصدقو كلام الامريكان الي انعدم دا واحد تاني خالص صدام عايش وهيرجع تاني عشان ياخد
تاره من الامريكان والجماعة بتوعهم..على النعمة راجع راجع
-وايه رايك في بوش
*والله راجل جدع بيدافع عن مزاجه
-وايه رايك في حكاية تخصيب اليورانيوم في ايران
*اولا انا مبحبش الكلام في قلة الادب وهمه عايزين يغتصبو ايران ليه
-تخصيب مش اغتصاب
*معرفش .....انت سالت وانا جاوبت
-طيب والي بيحصل في لبنان
*همه بيضربو الناس عشان قاعدين في نهر البارد يعني الناس تقعد فين في الحر ده في جهنم متلا ...دا حتى اللبناني مش لاقيينه.
-تقصد التفاح
*تفاح ايه يا عم ...الحشيش يا استاد
-طيب و الافغاني موجود
*اه موجود ..الناس هناك بيبيعو عشان يحاربو الاريكان واحنا بنشتري منهم عشان نساعدهم
-انتو مين
*الكييفة
-تعرف طالبان
*اعرف ولا خمسين طالب وفيهم ناس بتشرب معانا
-ايه رايك في السينما
*فين السينما دلوقت معدش فيه افلام تكيف
-بتسمع اغاني
*بركب الحنطور واتحنطر
-بتسمع ام كلتوم
*اه طبعا وخصوصا سهرة الامس
-نسيت اسالك عن اسعار الحشيش دلوقت
*مولعة نار وبصراحة الجماعة بتوع الداخلية خلوها زفت كل يوم حملات وحجات نعمل ايه احنا بقى
-تبطل حشيش
*ازاي حد يقول كده برضه
-احسن الحشيش ولا البانجو
*لا يا راجل البانجو حاجة بيئة قوي لكن الحشيش دا حاجة تانية خالص بتحس انك انسان مهم
-الحشيش يخليك انسان مهم
*اه لانه كيف ولاد الناس وكيف العباقرة والفنانين وكيف الناس الي في السحاب
-مين دول الي في السحاب
*انت عايز تحبسني يا عم انا بتكلم عن النجوم والكواكب وفيروز بنتي وكمان شكسبير
-شكسبير مرة واحدة
*اه وانت لو قارىء هتعرف انه كان بيشرب حشيش وبياكل افيون وحجات تانية بلاش اقولها
-طيب انت اهلاوي ولا زملكاوي
*حسب....الفريق الي يكيفني احييه
-مين احسن لاعب في وجهة نظرك
*محمد حشيش
-ايه اخر نكته
*اقولك ....واحد بيسال التاني ويقولك مين كسب في كاس العالم قال البرازيل ومين كسب في حرب 73 قاله احنا رد عليه يعني احنا هنقابل البرازيل في
النهائي. | |
|
ayman abdou
اداره المنتدى
عدد المساهمات : 277
تاريخ التسجيل : 21/05/2009
العمر : 33
الموقع : بنها العسل
| | موضوع: رد: حوار تلفزيونى مع حشاش مثقف ..؟؟ 30/5/2009, 12:03 am | |
| هههههههههههههههههههههههههههه
امال لو الحشاش اللى بيسال بقى
تسلم يازيووووووووووووووووووووووو | |
|
Admin
admin
عدد المساهمات : 1198
تاريخ التسجيل : 20/05/2009
العمر : 33
الموقع : https://yallabena.ahlamontada.com
| | موضوع: رد: حوار تلفزيونى مع حشاش مثقف ..؟؟ 30/5/2009, 7:27 pm | |
| شكرا ليك يا ذووووووووووق
منور الموضوع | |
|
