مشكلتى بحبها زيادة عن اللزوم....ياريت تدخلوا وتساعدونى

اكيد انتم عارفنى انا ندى
وليا واحدة صاحبتى الانتيم بحبها جدا جدا جدا جدا
لاننا متعرفين على بعض من مدة 9 سنين وانا بخاااااف جدا عليها وبخاف لحد يخدها منى وبغييييييير عليها جدا جدا
من اى بنت تكلمها وهى كمااااااان بتحبنى زى مابحبها وبتغير عليا من اصحابى وساعات تحكم عليا مكلمهمش وبسمع كلامها
علشان مخسرهاااااااااش لانى بحس انها بتدايق منهم جدا جدا فبتصعب عليا وبخاصمهم وانا ساعات نفس الكلااااااااام بعمله معاها
بس فى حاجة مهمة.......... فى واحدة صاحبتها انا مش بحبها خالص وبدايق جدا جدا جدا جدا منها فقلت لصاحبتى متكلميهاااااش
فمكلمتهاش فترة ورجعت تكلمها تانى وانا مدايقة جدا بجد وكل لما اقلها بحس انها مش بيهمها كلامى ولا بتحس بيا خاااااالص
وبقيت احس انها مش بقت تحبنى زى الاول معانها جت اتعرفت على اصحابى وحصل مشكلة بينهم وخاصمتهم كلهم علشانها
اشمعنا انا بسمع كلامها وهى مش بتسمع كلامى
مش عارفة يمكن انا اكووووون بحبها اكتر وبعدين انا مش بعرف اخاصمها لانى بحبها جدا جدا وهى زى اختى لانى مليش اخوات بنات


فياريت تقولولى اعمل ايه معاها لانى بجد فى حالة نفسية وحشة جدا جدا
وبحس انها ساعات بتتقل عليا ولما بنتخاااااااصم انا اللى بروح اصالحها فى اغلب الوقت وهى ساعات بتصالحنى
بس انا مرات كتيرة خاصمتها وحسيت انها هتموت ونفسها تكلمنى حسيت بكدة من تصرفاتها معايا وساعات كانت بتبعتلى رسايل تلومنى بيها وانا كذلك

ياريت تقولولى اعمل معاها ايه
بس عايزاكم تعرفم انى بحبها قوى قوى لانى مليش غيرها ونعرف عن بعض كل حاجة
ياريت تقولولى اتصرف معاها ازاى
ونفسي اخليها تحبنى اكتر مابحبها


سورى بقي طولت عليكم
بجد انا اسفة
بس لانى بجد تعبانة جدا جدا من الحكاية دى

أولا انا بشكرك جدا على انك بتثقي فينا
تانيا انا مش عيزاكي تزعلي مني في اي كلام انا هاقوله ليكي بس بجد هو ده الكلام اللي انا اعرفه وممكن اكون مقتنعه به وان كان في اي تعديل منك على الكلام ده انا ممكن استقبله عادي بس تقريبا هو ده تفكيري عموما نتكلم في الموضوع
بالنسبه للمشكله بتاعتك انا عايزه اقولك انكم اصدقاء اه بس الصداقه مش حب امتلاك مش هانمتلك بعض يعني
مش هامنعها انها تكلم غيري او اغير عليها زي ما انتي بتقولي اه هاتغيري بس بينك وبين نفسك مش ابين لها او لاي حد مهما كان اني مش ممكن اعيش من غيرها
معلش انا الغيره من وجهة نظري انها امتلاك ببقى عايزه امتلك اللي قدامي وكمان غير كده انها بتبين انك ضعيفه بتحسسي اللي قدامك انك مش ممكن تعيشي من غيرها او انك مش ممكن تلاقي زيها تاني
فبلاش موضوع الغيره ده بينكم اصلا لانك ان قدرتي انك تمنعيها انها تكلم غيرك مش هاتقدري تمنعي الناس انهم يكلموها قدامك يعني هي مش ممكن تقدر انها تحرج اي حد بيكلمها زي ما انتي كمان لو اتعرضتي للموقف ده مش هاتقدري تحرجي حد
اما بالنسبه لصاحبتك اكيد هي بتحبك زي مانتي بتحبيها ويمكن اكتر لان مش ممكن واحده تلاقي صحبتها بتحبها اوي كده زي مانتي بتحبي صحبتك كده ومش هاتحبها بس انتي حاولي بردوه انك تخففي من موضوع الغيره ده زي ماقولتلك لانه احيانا بيخنق اسفه على التعبير ده بس هو مالهوش تعبير تاني
وعموما حاولي انك تتكلمي معاها وتعرفي منها سبب معاملتها المتغيره دي طبعا بأسلوبك
وعموما نصيحه يعني حاولي انك تكون ليكي كلام مه كل الناس وبلش موضوع الخصام عشان صحبتي والكلام ده لان الكلام ده مش صح خالص الاحسن ان الناس كلها تحبك وتحب انها تتكلم معاكي ومش يبقى اسمك تايع لصحبتك يعني يكون ليكي شخصيه مستقله .

وسوري اني طولت عليكي
وبجد انا اسفه ان كنت قولتلك حاجه زعلتك
وبعدين فرفشي كده واضحكي مافيش حاجه تستاهل زعلك خااااااااااالص ياقمر منتدانا اذا كنا احنا حبيناكي هي مش هاتحبك اكتر مننا دايمكن تغير عليكي مننا
ههههههههههههههه
اضحكي بقى اضحكي

بجد بجد ربنا يبارك فيكي وفى كل كلامك ده
وعلى فكرة انا مش زعلانة من اى كلااااااااام قولتيهولى وانا بجد هحاااااول ان شاء الله اسمع الكلااااام اللى انتى قلتيه ده
وفعلا انا هقرب من كل اصحابى وهخلهم يحبونى ومش هخااااصم حد خالص ان شاء الله
هو انا اه مش همتلكها بس انا بحاافظ على صداقة 9 سنين وخايفة لحد ياخدها منى ومنبقااش اصدقاء زى الاول
وفعلا اللى ابتديت اعمله من كااااام يوم مبقتش احسسها انى بدايق من صاحبتها دى وبقيت احسسها انها بقت عادى عندى
وان شاء الله اللى هعمله انى هحسسها انه عادى اعيش بيها او من غيرها عااااااادى عندى
لانها لما تكوووون عارفة انى مقدرش استغنى عنها بتتقل عليا قوى وبتكون متاكدة انى هرجعلها فى الاخر
بس الكلاااااااام ده كان زمااااان بجد بجد انا خايفة لاكرها وابتديت احس انى بداْت ابعد عنها

معاْنها بجد اى حد يتمنى انها تبقي صاحبته لانها بجد ونعم الاصدقاااااء وعمرها مطلعت سر من اسرارى برا
ربنا يخليهالى يارب ويبعد عننا الشيطااااان ده

وغير كدة انا بقولها طالما انتى مش عايزانى احكم عليكي تكلمى دى وتخاصمى دى يبقي انتى كماااان متحكميش عليا
فهى بتبقى عايزة انها تحكم عليا وانا محكمش عليها وتقعد تقولى
اختارى يا ندى لااْنا ل كذا......... (اى حد من صحباتى يعنى) فبختارها هى بالطبع وبالتاكيييييد
لانها عشرة تسع سنين ومعايا فى بلدى وفى كل مكااااان انا فيه

انا عارفة انها بتحبنى بس اصحابنا مش بيسيبونا فى حالنا ويوقعوا بينى انا وهى على طووول
وكل اصحابنا اللى معانا من الابتدائى لحد مرحلة الكلية بيحسدونى انا وهى على طوووول اننا مع بعض اكتر من تسع سنين

فبجد انا عمرى مهلاقى زيها ولا هلاقى واحدة تخاف عليا ادها كدة
ولا هلااقى واحدة تحفظ سرى وماتقولوش لاى حد من اصحابنا

بس المشكلة صاحبتها دى اللى بحس انها عايزة تاخدها منى
وانا نفسى احسس صاحبتى انها بقت عادى عندى تبعد عنى او تقرب عادى ....مش فارقة بالنسبالى
علشااااااان اخليها تندم انها هتضيعني من ايديها واخليها ترجع معايا زى الاول واحسن كماااااااان


احنا الاول خالص فى بداية الكلية كنا بنحب بعض موووووووووووووووووووووووووووووووووت
بس جينا فى اخر السنة وابتدينا نتخاصم كتير بسبب اصحابنا دول

مع العلم يعني انى ابتديت اليومين دووول متكلمش معاها فى التليفون ولا ارن عليها وهى اللى
بقت تطلبنى كل شوية وترن عليا معانها مكنتش بتطلبنى كتير اليومين دووول وبالزات من ساعة الاجازة
لكن دلوقتى علشان انا كنت بساْل عليها كل يوم فى التليفون
لما انا ابتديت اقطع اتصالى بيها بقت هى اللى تطلبنى كتيييييييير جدا وترن عليا



بجد بجد شكرا ليكي يا كلااااااااام
وعلى فكرة انا مش زعلاانة منك من اى كلااااام قلتيه لانه كله لمصلحتى
ولانك زى اختى بالظبط وربنا يخليكي ليا يااااارب

ربنا يخليك يازيزو وانا مش هسالك عرفت منين انها بتحبنى علشان انا عارفة
ههههههههههههههههههههه

انا ليا اصحاااااااااااب كتيييييييييير جدا جدا جدا جدا بس صاحبتى دى انتيمتى وانت عارف كدة كويس
بس ان شاء الله هحل معاها الموضوع وهتكلم معاها لانها صاحبتى وحبيبة قلبى كماااااااااان
وانا الحمد الله والشكر لربنا كل اصحابى بيحبونى قوى قوى لانى اجتماعية وبحبهم
ملحوظة....
ان صاحبة صاحبتى دى اللى انا بقول لصاحبتي تخاصمها البنت دى بتوقع مبينا وحاولت تاخد صاحبتى منى كتيييير
وانا لما قلتلها متكلمهاااااش مش حب امتلااك ولا حاجة
انا قلتلها كدة علشاااااااان البنت دى متوقعش بينا تانى ولانى بحافظ على صديقة عمرى من الضيااااااااع منى مش اكتر


شكرا لمرورك ونورت وان شاء الله هسمع كلامكم كلكم